തിരുവനന്തപുരം: ചന്ദ്രയാൻ 3 ലാൻഡറിന്റെ രണ്ട് യന്ത്രങ്ങളും സെൻസറുകളും പിഴച്ചാലും ലാൻഡർ ചന്ദ്രനിൽ ഇറങ്ങുമെന്ന് ഐ.എസ്.ആർ.ഒ ചെയർമാൻ എസ്.സോമനാഥ് പറഞ്ഞു. അങ്ങനെയാണ് ചന്ദ്രയാൻ 3 രൂപകൽപന ചെയ്തിരിക്കുന്നത്. പ്രൊപ്പൽഷൻ മൊഡ്യൂൾ നല്ല രീതിയിൽ പ്രവർത്തിക്കുന്നുണ്ട്. നിശ്ചയിച്ച രീതിയിൽ തന്നെയാണ് ഇതുവരെ കാര്യങ്ങൾ പോകുന്നത്. പിഴവുകൾ മുൻകൂട്ടി കണ്ടുകൊണ്ടാണ് ഇക്കുറി ലാൻഡർ മൊഡ്യൂൾ തയ്യാറാക്കിയിരിക്കുന്നത്. പിഴവുകൾ തിരുത്താൻ അതിന് സ്വയമേ കഴിയും.
