ബാംഗളൂരു: പത്ത് ലക്ഷം രൂപ മുതൽമുടക്കി ലോകത്തിൽ ആദ്യമായി എഐ സാങ്കേതികവിദ്യ ഉപയോഗിച്ച് നിർമിച്ച സിനിമ പ്രദർശനത്തിനെത്തുന്നു.
കന്നഡ ചിത്രമായ ‘ലവ് യു’ ആണ് റിലീസിന് ഒരുങ്ങുന്നത്.അഭിനേതാക്കളും ഛായാഗ്രാഹകനും സംഗീത സംവിധായകനുമില്ലാത്ത ചിത്രമാണിത്.എസ്. നരസിംഹ മൂർത്തിയാണ് സംവിധായകൻ.ഒന്നര മണിക്കൂർ ദൈർഘ്യമുള്ളതാണ് ഈ ചിത്രം.
സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ ഔദ്യോഗികമായി ഈ എഐ കന്നഡ സിനിമയ്ക്ക് സർട്ടിഫിക്കറ്റ് നൽകിക്കഴിഞ്ഞു. എഐ ചിത്രം സിനിമാ മേഖലയ്‌ക്ക് മുതൽക്കൂട്ടാണ്.
ഓരോ ഫ്രെയിമും പാട്ടും സംഭാഷണങ്ങളും ലിപ് സിങ്കും ക്യാമറ മൂവ്മെന്റും എഐ ഉപയോഗിച്ച് നിർമിച്ചതാണ്. 12 ഗാനങ്ങളും ചിത്രത്തിലുണ്ട്.
