ന​​​​വ​​​​കേ​​​​ര​​​​ള​​​​ത്തി​​​​ന്‍റെ പു​​​​തു​​​​വ​​​​ഴി​​​​ക​​​​ൾ

കെ.ഗോപാലകൃഷ്ണൻ

കൊ​ല്ലം മാ​നി​ഫെ​സ്റ്റോ ‘ന​വ​കേ​ര​ള​ത്തി​ന്‍റെ പു​തു​വ​ഴി​ക​ൾ’​ക്കൊ​പ്പം സ​ന്പൂ​ർ​ണ പാ​ർ​ട്ടി ഐ​ക്യ​വും വി​ക​സി​പ്പി​ച്ച​തോ​ടെ കേര​ള​ത്തി​ലെ വി​പ്ല​വ ക​മ്യൂ​ണി​സ്റ്റ് പാ​ർ​ട്ടി​യാ​യ സിപി​എം അ​തി​ന്‍റെ ഉ​ള്ള​ട​ക്ക​ത്തി​ലും ഊ​ന്നലി​ലും ശ്ര​ദ്ധേ​യ​മാ​യ മാ​റ്റ​ത്തി​നു ശ്ര​മി​ക്കും.

തീ​ർ​ച്ച​യാ​യും, വ​രാ​നി​രി​ക്കു​ന്ന നി​യ​മ​സ​ഭാ – ലോ​ക്സ​ഭാ തെ​ര​ഞ്ഞെ​ടു​പ്പു​ക​ൾ മു​ന്നി​ൽ​ക​ണ്ടാ​ണ് ക​ഴി​ഞ്ഞ​യാ​ഴ്ച കൊ​ല്ല​ത്തു ന​ട​ന്ന ഇ​രു​പ​ത്തി​നാ​ലാം സം​സ്ഥാ​ന​സ​മ്മേ​ള​ന​ത്തി​ന്‍റെ നീ​ക്കം. മാ​നി​ഫെ​സ്റ്റോ എ​ന്ന വാ​ക്ക് എ​ല്ലാ ക​മ്യൂ​ണി​സ്റ്റു​കാ​രെ​യും മാ​ർ​ക്സും ഏം​ഗ​ൽ​സും ചേ​ർ​ന്നെ​ഴു​തി​യ ക​മ്യൂ​ണി​സ്റ്റ് മാ​നി​ഫെ​സ്റ്റോ​യി​ലെ​ത്തി​ച്ചേ​ക്കും. ക​മ്യൂ​ണി​സ്റ്റ് ലീ​ഗ് അ​ധി​കാ​ര​പ്പെ​ടു​ത്തി 1848ൽ ​ല​ണ്ട​നി​ൽ‌ പ്ര​സി​ദ്ധ​പ്പെ​ടു​ത്തി​യ രാ​ഷ്‌​ട്രീ​യ ല​ഘു​ലേ​ഖ​യി​ലേ​ക്ക്.

ലോ​ക​ത്തെ ഏ​റ്റ​വും സ്വാ​ധീ​നി​ച്ച രാ​ഷ്‌​ട്രീ​യ​രേ​ഖ​യാ​യി ഇ​തു നി​ല​കൊ​ള്ളു​ന്നു. ചു​രു​ക്ക​ത്തി​ൽ, അ​ത് ലോ​ക​സ​മൂ​ഹ​ത്തി​ന്‍റെ പു​രോ​ഗ​തി​ക്കാ​യി പു​തി​യ ലോ​ക, സാ​ന്പ​ത്തി​ക​ക്ര​മം ശി​പാ​ർ​ശ ചെ​യ്തു. എ​ന്നി​രു​ന്നാ​ലും, പി​ണ​റാ​യി വി​ജ​യ​ന്‍റെ ‘ന​വ​കേ​ര​ള​ത്തി​ന്‍റെ പു​തു​വ​ഴി​ക​ൾ’ എ​ന്ന രേ​ഖ ക​മ്യൂ​ണി​സ്റ്റ് ബ്രാ​ൻ​ഡോ​ടെ കേ​ര​ള​ത്തി​ൽ മൂ​ന്നാ​മ​തും അ​ധി​കാ​രം പി​ടി​ച്ചെ​ടു​ക്കാ​നു​ള്ള വ​ഴി​ത്താ​ര​യാ​ണ്. കൂ​ടാ​തെ, സം​സ്ഥാ​ന​ത്തി​ന്‍റെ വി​ക​സ​ന​ത്തി​ലൂ​ടെ കേ​ര​ളീ​യ​രു​ടെ മ​ന​സി​നെ കീ​ഴ​ട​ക്കാ​നും പാ​ർ​ട്ടി അം​ഗ​ങ്ങ​ളെ​യും ജ​ന​ങ്ങ​ളെ​യും ഒ​ന്നി​ച്ചു​കൊ​ണ്ടു​പോ​കാ​നു​മു​ള്ള നി​ർ​ദേ​ശ​ങ്ങ​ളു​മാ​ണ്.

ഈ ​പ്ര​ക്രി​യ​യി​ൽ, ഇ​പ്പോ​ൾ എ​ൺ​പ​തു​ക​ളി​ലെ​ത്തി​യ പി​ണ​റാ​യി വി​ജ​യ​നെ മു​ഖ്യ​മ​ന്ത്രി​പ​ദ​ത്തി​ലേ​ക്കു​ള്ള സ്ഥാ​നാ​ർ​ഥി​യാ​യി പാ​ർ​ട്ടി മി​ക്ക​വാ​റും അം​ഗീ​ക​രി​ച്ചു. കാ​ര​ണം, കൂ​ടു​ത​ൽ മെ​ച്ച​പ്പെ​ട്ട മ​റ്റൊ​രാ​ളെ നി​ർ​ദേ​ശി​ക്കാ​നി​ല്ല. ഇ​ക്കാ​ര്യ​ത്തി​ൽ സ​മ്മേ​ള​ന​ത്തി​ൽ​നി​ന്ന് അ​നു​കൂ​ല​മാ​യ പ്ര​തി​ക​ര​ണ​മാ​ണു ല​ഭി​ച്ച​തെ​ന്നും തെ​ര​ഞ്ഞെ​ടു​പ്പി​ൽ മി​ക​ച്ച ബ​ഹു​ജ​ന​പി​ന്തു​ണ നേ​ടു​ന്ന​തി​ലാ​ണ് രേ​ഖ ശ്ര​ദ്ധ കേ​ന്ദ്രീ​ക​രി​ക്കേണ്ട​തെ​ന്ന നി​ർ​ദേ​ശ​ങ്ങ​ൾ വ​ന്ന​താ​യും റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്നു.

ദു​ർ​ബ​ല​മാ​യ പൊ​തു​മേ​ഖ​ല​യി​ൽ കൂ​ടു​ത​ൽ സ്വ​കാ​ര്യ​മൂ​ല​ധ​ന​വും സ്വ​കാ​ര്യ​നി​ക്ഷേ​പ​വും പ്രോ​ത്സാ​ഹി​പ്പി​ക്കു​ന്ന​തി​നു​ള്ള ദു​ർ​ഗ്ര​ഹ​മാ​യ സ​മീ​പ​നം പ​ഴ​യ ത​ല​മു​റ​യി​ൽ​പ്പെ​ട്ട അ​നു​ഭാ​വി​ക​ൾ​ക്കി​ട​യി​ൽ മോ​ശം പ്ര​തി​ക​ര​ണ​മു​ണ്ടാ​ക്കു​മെ​ന്ന് ചി​ല പാ​ർ​ട്ടി അം​ഗ​ങ്ങ​ൾ ക​രു​തു​ന്നു. ഇ​തി​ന്‍റെ വ്യാ​പ്തി കൂ​ട്ടി​യാ​ൽ ത​ക​ർ​ച്ച​യി​ലു​ള്ള പൊ​തു​മേ​ഖ​ല സ്ഥാ​പ​ന​ങ്ങ​ളു​ടെ നി​ല​നി​ല്പി​നു​പോ​ലും ഭീ​ഷ​ണി​യാ​കു​മെ​ന്ന് ചി​ല​ർ ഭ​യ​പ്പെ​ടു​ന്നു. ക​ഴി​വു​തെ​ളി​യി​ച്ച​വ​രും വി​ജ​യ​പ​ശ്ചാ​ത്ത​ല​മു​ള്ള​വ​രു​മാ​യ മാ​നേ​ജ​ർ​മാ​രെ അ​ത്ത​രം സ്ഥാ​പ​ന​ങ്ങ​ൾ കൈ​കാ​ര്യം ചെ​യ്യാ​ൻ ഏ​ൽ​പ്പി​ക്ക​ണ​മെ​ന്നും അ​വ​ർ പ​റ​യു​ന്നു.

രാ​ജ്യ​പു​രോ​ഗ​തി​ക്ക് സ്വ​കാ​ര്യ​മേ​ഖ​ല​യെ മു​ന്നി​ലേ​ക്കു കൊ​ണ്ടു​വ​ന്ന പി.​വി.​ ന​ര​സിം​ഹ​റാ​വു പോ​ലും സ​ന്പ​ദ്‌​വ്യ​വ​സ്ഥ​യു​ടെ ആ​രോ​ഗ്യം മെ​ച്ച​പ്പെ​ടു​ത്താ​ൻ പൊ​തു​മേ​ഖ​ല​യും സ്വ​കാ​ര്യ​മേ​ഖ​ല​യും വേ​ണ​മെ​ന്ന പ​ക്ഷ​ക്കാ​ര​നാ​യി​രു​ന്നു. എ​ന്നാ​ൽ, പൊ​തു​മേ​ഖ​ല സ്ഥാ​പ​ന​ങ്ങ​ളു​ടെ ന​ഷ്‌​ടം അ​ന്പ​ര​പ്പി​ക്കു​ന്ന ത​ല​ത്തി​ലെ​ത്തി​യ​പ്പോ​ൾ, 1999 ഡി​സം​ബ​ർ പ​ത്തി​ന്, അ​ട​ൽ ബി​ഹാ​രി വാ​ജ്പേ​യി പ്ര​ധാ​ന​മ​ന്ത്രി​യാ​യി​രി​ക്കേ, പ്ര​ത്യേ​ക ഓ​ഹ​രി​വി​ല്പ​ന വ​കു​പ്പ് രൂ​പ​വ​ത്ക​രി​ച്ചു. ഇ​തി​നെ 2001 സെ​പ്റ്റം​ബ​ർ ആ​റി​ന് ഓ​ഹ​രി​വി​ല്പ​ന മ​ന്ത്രാ​ല​യം എ​ന്നു പു​ന​ർ​നാ​മ​ക​ര​ണം ചെ​യ്തു. അ​രു​ൺ ഷൂ​രി ആ​ദ്യ ഓ​ഹ​രി​വി​ല്പ​ന മ​ന്ത്രി​യാ​യി.

പ്ര​ശം​സ​യോ​ടൊ​പ്പം പ്ര​ശ്ന​ങ്ങ​ളും

അ​രു​ൺ ഷൂ​രി​യു​ടെ കീ​ഴി​ലു​ള്ള ഓ​ഹ​രി വി​റ്റ​ഴി​ക്ക​ൽ മ​ന്ത്രാ​ല​യ​ത്തി​ൽ​നി​ന്ന് തു​ട​ക്ക​ത്തി​ൽ 50,000 കോ​ടി രൂ​പ​യു​ടെ ഗ​ണ്യ​മാ​യ സം​ഭാ​വ​ന​യാ​ണ് സ​ർ​ക്കാ​ർ ധ​ന​വി​നി​യോ​ഗ​ത്തി​ലേ​ക്കു ല​ഭി​ച്ച​ത്.ആ​ദ്യ​വ​ർ​ഷം​ത​ന്നെ അ​ദ്ദേ​ഹ​ത്തി​ന്‍റെ മ​ന്ത്രാ​ല​യം 13 ഐ​ടി​ഡി​സി ഹോ​ട്ട​ലു​ക​ളും മാ​രു​തി, വി​എ​സ്എ​ൻ​എ​ൽ, ഐ​പി​സി​എ​ൽ, ഐ​ബി​പി തു​ട​ങ്ങി​യ വ​ന്പ​ൻ പൊ​തു​മേ​ഖ​ലാ സ്ഥാ​പ​ന​ങ്ങ​ളും ഉ​ൾ​പ്പെ​ടെ 25 ക​ന്പ​നി​ക​ൾ വി​റ്റു. 1991-2000 കാ​ല​യ​ള​വി​ൽ വി​വി​ധ സ​ർ​ക്കാ​രു​ക​ൾ കി​ണ​ഞ്ഞു​ശ്ര​മി​ച്ചി​ട്ടും ഒ​രു പൊ​തു​മേ​ഖ​ല സ്ഥാ​പ​നം​പോ​ലും വി​ൽ​ക്കാ​നാ​യി​ല്ല. പ്ര​ശം​സ​യോ​ടൊ​പ്പം ഷൂ​രി​ക്കു പ്ര​ശ്ന​ങ്ങ​ളു​മു​ണ്ടാ​യി. സ​ന്തു​ഷ്‌​ട​രാ​യ പ​ല​രും കേ​ന്ദ്ര​സ​ർ​ക്കാ​രി​ലു​ണ്ടാ​യി​രു​ന്നു. പി​ന്നീ​ട് കാ​ര്യ​ങ്ങ​ൾ അ​ത്ര ന​ല്ല​നി​ല​യി​ല​ല്ലാ​താ​യ​പ്പോ​ൾ പ്ര​തി​പ​ക്ഷം വി​മ​ർ​ശ​ന​ങ്ങ​ളു​മാ​യി വ​ന്നു.

എ​ന്നി​രു​ന്നാ​ലും, ന​ഷ്‌​ടം എ​ഴു​തി​ത്ത​ള്ളേ​ണ്ടി​വ​ന്നി​ല്ല എ​ന്ന​തി​ൽ കേ​ന്ദ്ര​സ​ർ​ക്കാ​ർ സ​ന്തു​ഷ്‌​ട​രാ​യി​രു​ന്നു. കൂ​ടാ​തെ മ​റ്റു​ചി​ല കാ​ര്യ​ങ്ങ​ളി​ലും ചെ​ല​വു ചു​രു​ക്കാ​നാ​യി. പ്ര​ശ​സ്ത​മാ​യ സ്വ​കാ​ര്യ കോ​ർ​പ​റേ​ഷ​നു​ക​ൾ ഏ​റ്റെ​ടു​ത്ത മി​ക്ക ക​ന്പ​നി​ക​ളും മി​ക​ച്ച പ്ര​ക​ട​നം കാ​ഴ്ച​വ​ച്ചു. മി​ക​ച്ച തൊ​ഴി​ൽ സാ​ധ്യ​ത​ക​ൾ ല​ഭി​ച്ച​തു​കാ​ര​ണം ഈ ​ക​ന്പ​നി​ക​ളി​ലെ നി​ര​വ​ധി ജീ​വ​ന​ക്കാ​ർ ആ​ഹ്ലാ​ദി​ച്ചു​വെ​ന്നാ​യി​രു​ന്നു അ​ക്കാ​ല​ത്തെ പ​ത്ര​റി​പ്പോ​ർ​ട്ടു​ക​ൾ. എ​ന്നി​രു​ന്നാ​ലും ചി​ല ക​ന്പ​നി​ക​ൾ നി​യ​മ​ക്കു​രു​ക്കു​ക​ളി​ൽ​പ്പെ​ട്ടു.

ന​ഷ്‌​ട​ത്തി​ലാ​ണെ​ന്നു ക​രു​തി പൊ​തു​മേ​ഖ​ല സ്ഥാ​പ​ന​ങ്ങ​ൾ അ​ട​ച്ചു​പൂ​ട്ട​ണോ? സ്വ​കാ​ര്യ​മേ​ഖ​ല​യ്ക്കൊ​പ്പം പൊ​തു​മേ​ഖ​ല​യും വേ​ണ​മെ​ന്ന നി​ല​പാ​ടെ​ടു​ത്ത നേ​താ​വാ​യി​രു​ന്നു പി.​വി. ന​ര​സിം​ഹ​റാ​വു. ആ​രോ​ഗ്യ​ക​ര​മാ​യ സ​ന്പ​ദ്‌​വ്യ​വ​സ്ഥ​യ്ക്ക് പൊ​തു​മേ​ഖ​ല​യും സ്വ​കാ​ര്യ​മേ​ഖ​ല​യും ആ​വ​ശ്യ​മാ​ണെ​ന്ന് ഈ ​ലേ​ഖ​ക​നു​മാ​യു​ള്ള സം​സാ​ര​ത്തി​നി​ടെ അ​ദ്ദേ​ഹം പ​റ​ഞ്ഞി​രു​ന്നു. ര​ണ്ടി​നും ന​ന്നാ​യി മു​ന്നേ​റാ​നും സ​ന്പ​ദ്‌​വ്യ​വ​സ്ഥ​യ്ക്ക് സ്വ​ന്ത​മാ​യ ശ​ക്തി പ​ക​രാ​നു​മാ​കും. അ​ന്പ​തു​ക​ളി​ലും അ​റു​പ​തു​ക​ളി​ലും പൊ​തു​മേ​ഖ​ല സ്ഥാ​പ​ന​ങ്ങ​ളു​ടെ ത​ല​പ്പ​ത്ത് സ​ർ​ക്കാ​രി​നെ ന​ന്നാ​യി സേ​വി​ച്ച മു​തി​ർ​ന്ന ഉ​ദ്യോ​ഗ​സ്ഥ​രാ​യി​രു​ന്നു.

സ​ർ​ക്കാ​ർ‌ വ​കു​പ്പു​ക​ളി​ൽ ന​ന്നാ​യി പ്ര​വ​ർ​ത്തി​ച്ച ഉ​ദ്യോ​ഗ​സ്ഥ​രെ പൊ​തു​മേ​ഖ​ല സ്ഥാ​പ​ന​ങ്ങ​ളു​ടെ ത​ല​പ്പ​ത്ത് നി​യ​മി​ക്കാ​ൻ ഇ​ന്ദി​രാ​ഗാ​ന്ധി​യും താ​ത്പ​ര്യം പ്ര​ക​ടി​പ്പി​ച്ചു. പൊ​തു​ജ​ന​ങ്ങ​ളി​ൽ​നി​ന്നു ശേ​ഖ​രി​ക്കു​ന്ന പ​ണം സ​മൂ​ഹ​ത്തി​നു​പ​യു​ക്ത​മാ​കും​വി​ധം ചെ​ല​വ​ഴി​ക്കു​ന്ന​തി​ൽ പൊ​തു​മേ​ഖ​ല സ്ഥാ​പ​ന​ങ്ങ​ളു​ടെ പ​ങ്ക് അ​ന്തി​മ​മാ​യി നി​ർ​വ​ചി​ക്കാ​ൻ വി​ദ​ഗ്ധ​സ​മി​തി​യെ നി​യോ​ഗി​ക്കു​ക എ​ന്ന​താ​ണ് ഒ​രു​പ​ക്ഷേ ഏ​റ്റ​വും ന​ല്ല മാ​ർ​ഗം.

വി​പ്ല​വ പാ​ർ​ട്ടി മു​ത​ലാ​ളി​ത്ത സ​മീ​പ​ന​ത്തി​ലേ​ക്ക്

പൊ​തു​മേ​ഖ​ലാ യൂ​ണി​റ്റു​ക​ളി​ൽ​പ്പോ​ലും സ്വ​കാ​ര്യ​മൂ​ല​ധ​നം ആ​ക​ർ​ഷി​ക്കു​ന്ന​തി​നു​ള്ള സം​രം​ഭ​ങ്ങ​ളി​ലൂ​ടെ, ‘ന​വ​കേ​ര​ള​ത്തി​ന്‍റെ പു​തു​വ​ഴി​ക​ൾ’ എ​ന്ന പ​ദ്ധ​തി​യി​ലൂ​ടെ, സ്വ​കാ​ര്യ​മൂ​ല​ധ​ന​ത്തി​ന്‍റെ കാ​ര്യ​ത്തി​ൽ വി​പ്ല​വ പാ​ർ​ട്ടി മു​ത​ലാ​ളി​ത്ത സ​മീ​പ​ന​ത്തി​ലേ​ക്കു മാ​റി​യെ​ന്നാ​ണ് സി​പി​എം സ​മ്മേ​ള​ന​ത്തി​ൽ കാ​ണു​ന്ന​ത്. സം​സ്ഥാ​ന​ത്തി​ന്‍റെ സാ​ന്പ​ത്തി​ക നി​യ​ന്ത്ര​ണ​ങ്ങ​ളെ​യും പ​രി​മി​തി​ക​ളെ​യും മ​റി​ക​ട​ക്കു​ന്ന​തി​ന് നി​ര​വ​ധി വി​ഭ​വ​സ​മാ​ഹ​ര​ണ നീ​ക്ക​ങ്ങ​ൾ ആ​സൂ​ത്ര​ണം ചെ​യ്തി​ട്ടു​ണ്ടെ​ന്നാ​ണ് വാ​ർ​ത്താ റി​പ്പോ​ർ​ട്ടു​ക​ൾ. ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​നു​മു​ന്പ് അ​വ​ത​രി​പ്പി​ച്ച സ​മാ​ന​മാ​യ രേ​ഖ​യു​ടെ തു​ട​ർ​ച്ച മാ​ത്ര​മാ​ണ് മു​ഖ്യ​മ​ന്ത്രി അ​വ​ത​രി​പ്പി​ച്ച​തെ​ന്ന് സി​പി​എ​മ്മു​മാ​യി അ​ടു​പ്പ​മു​ള്ള ചി​ല​ർ ചൂ​ണ്ടി​ക്കാ​ട്ടു​ന്നു. ഗു​ണ​ദോ​ഷ​ങ്ങ​ൾ എ​ന്തു​ത​ന്നെ​യാ​യാ​ലും, എ​ൺ​പ​തു​ക​ളു​ടെ വെ​ല്ലു​വി​ളി​ക്കി​ട​യി​ലും, മൂ​ന്നാം​ത​വ​ണ​യും അ​ധി​കാ​ര​ത്തി​ലെ​ത്താ​ൻ സി​പി​എം തെ​ര​ഞ്ഞെ​ടു​ത്ത നേ​താ​വാ​യ പി​ണ​റാ​യി വി​ജ​യ​ൻ സാ​ധ്യ​മാ​യ എ​ല്ലാ വ​ഴി​ക​ളും തേ​ടു​ക​യാ​ണ്.

വി​ക​സ​ന​ത്തി​ലേ​ക്കു​ള്ള ഏ​തൊ​രു നീ​ക്ക​ത്തി​നും ബ​ഹു​ജ​ന​പി​ന്തു​ണ കി​ട്ടു​ന്ന കാ​ലാ​വ​സ്ഥ​യാ​ണ് കേ​ര​ള​ത്തി​ലെ​ന്ന​താ​ണു ശ്ര​ദ്ധി​ക്കേ​ണ്ട കാ​ര്യം. പാ​ർ​ട്ടി​യെ​യും സ​ർ​ക്കാ​രി​നെ​യും മ​ധ്യ​വ​ർ​ഗ​ത്തി​ന​ട​ക്കം സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ൾ​ക്കും ആ​ക​ർ​ഷ​ക​മാ​ക്കാ​നു​ള്ള ആ​ഹ്വാ​ന​ത്തി​ന് സി​പി​എം സം​സ്ഥാ​ന​സ​മ്മേ​ള​നം അം​ഗീ​കാ​രം ന​ല്കു​ന്ന​ത് ഇ​താ​ദ്യ​മാ​ണെ​ന്ന്, വീ​ണ്ടും തെ​ര​ഞ്ഞെ​ടു​ക്ക​പ്പെ​ട്ട പാ​ർ​ട്ടി സെ​ക്ര​ട്ട​റി ഗോ​വി​ന്ദ​ൻ പ​റ​ഞ്ഞു. ചി​ല​പ്പോ​ൾ, അ​ത്ര നേ​രേയ​ല്ലാ​ത്ത ചോ​ദ്യ​ങ്ങ​ൾ ത​ള്ളി​ക്ക​ള​യു​മെ​ങ്കി​ലും, പു​ഞ്ചി​രി​ച്ചു​കൊ​ണ്ടു​ള്ള രാ​ഷ്‌​ട്രീ​യ​വി​ശ​ദീ​ക​ര​ണ​ങ്ങ​ൾ പ​തി​വാ​ക്കി​യ ആ​ളാ​ണ​ദ്ദേ​ഹം. സം​സ്ഥാ​ന പൊ​തു​മേ​ഖ​ല സ്ഥാ​പ​ന​ങ്ങ​ളെ പു​ന​രു​ജ്ജീ​വി​പ്പി​ക്കു​ന്ന​തി​ന് സ്വ​കാ​ര്യ​പ​ങ്കാ​ളി​ത്തം വേ​ണ​മെ​ന്ന മു​ഖ്യ​മ​ന്ത്രി​യു​ടെ നി​ർ​ദേ​ശം കേ​ന്ദ്ര​സ​ർ​ക്കാ​രി​ന്‍റെ ഓ​ഹ​രി വി​റ്റ​ഴി​ക്ക​ൽ ന​യ​ത്തി​ൽ​നി​ന്ന് വ്യ​ത്യ​സ്ത​മാ​ണെ​ന്നും അ​ദ്ദേ​ഹം പ​റ​ഞ്ഞു. “കൂ​ടു​ത​ൽ വി​ഭ​വ​സ​മാ​ഹ​ര​ണ​ത്തി​നാ​യി സി​പി​എം ബ​ദ​ലു​ക​ൾ കൊ​ണ്ടു​വ​രു​ന്നു​ണ്ട്. ദ​രി​ദ്ര​രു​ടെ ക്ഷേ​മ​മാ​ണ് ഞ​ങ്ങ​ളു​ടെ അ​ടി​സ്ഥാ​ന താ​ത്പ​ര്യം. നി​ർ​ദേ​ശി​ക്ക​പ്പെ​ട്ട വി​ക​സ​ന​ത്തി​ൽ​നി​ന്നു മ​റ്റു വി​ഭാ​ഗ​ക്കാ​ർ​ക്കും സ്വാ​ഭാ​വി​ക​മാ​യും പ്ര​യോ​ജ​നം ല​ഭി​ക്കും.” ഗോ​വി​ന്ദ​ൻ കൂ​ട്ടി​ച്ചേ​ർ​ത്തു. കൂ​ടു​ത​ൽ അ​ദ്ഭു​ത​ങ്ങ​ളു​ണ്ടാ​കു​മോ? ഒ​രുപ​ക്ഷേ ഉ​ണ്ടാ​കും. കാ​ത്തി​രി​ക്കേ​ണ്ടി​വ​രും.

നേ​താ​ക്ക​ൾ ത​മ്മി​ലു​ള്ള പ​ര​സ്പ​ര​ധാ​ര​ണ

ചെ​റി​യ വി​മ​ർ​ശ​ന​ങ്ങ​ളും പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തെ പു​ക​ഴ്ത്ത​ലും ഉ​ണ്ടാ​യെ​ങ്കി​ലും സി​പി​എം നേ​താ​ക്ക​ൾ ത​മ്മി​ലു​ള്ള പ​ര​സ്പ​ര​ധാ​ര​ണ​യ്ക്ക് കൊ​ല്ലം സ​മ്മേ​ള​നം സാ​ക്ഷ്യം വ​ഹി​ച്ചെ​ന്ന​ത് സ​ത്യ​മാ​ണ്. ക​ണ്ണൂ​രി​ൽ​നി​ന്ന് ആ​വ​ശ്യ​മാ​യ എ​ല്ലാ അം​ഗ​ങ്ങ​ളെ​യും ഉ​ന്ന​ത​സ്ഥാ​ന​ത്ത് നി​ർ​ത്തി​യ പാ​ർ​ട്ടി, സം​ശ​യി​ക്കു​ന്ന​വ​രെ ചെ​റി​യ​സ്ഥാ​ന​ങ്ങ​ളി​ൽ ഒ​തു​ക്കി.

സൗ​ഹാ​ർ​ദം പു​ല​ർ​ത്തി​യ സ​ഖാ​ക്ക​ൾ​ക്കു സ്ഥാ​നം ന​ല്കു​ക​യും ചി​ല​രെ ഒ​തു​ക്കി നി​ർ​ത്തു​ക​യും ചെ​യ്ത​തോ​ടെ പു​തു​താ​യി ക​ണ്ടെ​ത്തി​യ സ​ന്പൂ​ർ​ണ ഐ​ക്യ​ത്തെ കൊ​ല്ലം സ​മ്മേ​ള​നം ഉ​യ​ർ​ത്തി​ക്കാ​ട്ടി. സ്ഥാ​നം നി​ഷേ​ധി​ച്ച​തി​നെ​തി​രേ ചി​ല മു​തി​ർ​ന്ന നേ​താ​ക്ക​ൾ പ്ര​തി​ഷേ​ധി​ച്ച​ത് വി​യോ​ജി​പ്പു​ക​ൾ ഉ​ണ്ടാ​കാ​മെ​ന്നു കാ​ണി​ക്കു​ന്നു. തെ​ര​ഞ്ഞെ​ടു​പ്പു ദി​ന​ങ്ങ​ൾ അ​ടു​ത്തു​വ​രു​ന്ന​തി​നാ​ൽ ഭാ​വി​സം​ഭ​വ​വി​കാ​സ​ങ്ങ​ൾ​ക്കാ​യി നി​ശ​ബ്ദ​ത പാ​ലി​ക്കു​ക​യാ​കാം.

കേ​ര​ള​ത്തി​ന്‍റെ കു​ടി​ശി​ക ല​ഭി​ക്ക​ണ​മെ​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ ന്യാ​യ​മാ​യ ആ​വ​ശ്യ​ത്തോ​ട് കേ​ന്ദ്ര​നേ​തൃ​ത്വം എ​ങ്ങ​നെ പ്ര​തി​ക​രി​ക്കു​മെ​ന്ന​തി​നും ചി​ല വി​പ​രീ​ത​ഫ​ല​ങ്ങ​ൾ ഉ​ണ്ടാ​യേ​ക്കാം. അ​ക്ര​മ​ത്തി​ലും കു​റ്റ​കൃ​ത്യ​ങ്ങ​ളി​ലും ഏ​ർ​പ്പെ​ടു​ന്ന​വ​രെ എ​ത്ര​ത്തോ​ളം ശി​ക്ഷി​ക്കും, പു​റ​ത്തു​നി​ന്നു​ള്ള മ​യ​ക്കു​മ​രു​ന്നു ക​ച്ച​വ​ട​ക്കാ​ർ​ക്കെ​തി​രേ എ​ന്തു ന​ട​പ​ടി​യെ​ടു​ക്കും, നി​യ​മ​വാ​ഴ്ച എ​ത്ര​ത്തോ​ളം ന​ട​പ്പാ​ക്കും എ​ന്ന​തി​നെ ആ​ശ്ര​യി​ച്ചി​രി​ക്കും പോ​ളിം​ഗ് ബൂ​ത്തി​ൽ കേ​ര​ള വോ​ട്ട​ർ​മാ​രു​ടെ പി​ന്തു​ണ.

കു​റ്റ​വാ​ളി​ക​ളും അ​വ​ർ​ക്കെ​തി​രേ ന​ട​പ​ടി​യെ​ടു​ക്കു​ന്ന​തി​ലെ പോ​ലീ​സി​ന്‍റെ വീ​ഴ്ച​യും ഉ​റ്റ​വ​രെ​യും പ്രി​യ​പ്പെ​ട്ട​വ​രെ​യും ക്രൂ​ര​മാ​യി കൊ​ല​പ്പെ​ടു​ത്തി​യ​തും എ​ഡി​എ​മ്മി​ന്‍റെ മ​ര​ണ​വും അ​തി​നു കാ​ര​ണ​ക്കാ​രാ​യ​വ​ർ ഇ​തു​വ​രെ ശി​ക്ഷി​ക്ക​പ്പെ​ടാ​ത്ത​തും വ​ർ​ധി​ച്ചു​വ​രു​ന്ന ബ​ലാ​ത്സം​ഗ​ങ്ങ​ളും വ്യാ​പ​ക​മാ​യ മ​യ​ക്കു​മ​രു​ന്നു​ക​ട​ത്തും ഉ​പ​യോ​ഗ​വു​മെ​ല്ലാം കു​റ​ച്ചു മാ​സ​ങ്ങ​ളാ​യി പ​ത്ര​ങ്ങ​ളു​ടെ​യും ഇ​ല​ക്‌​ട്രോ​ണി​ക് മീ​ഡി​യ​യു​ടെ​യും മു​ഖ്യ​വാ​ർ​ത്ത​ക​ളാ​ണ്. ഇ​വ കേ​ര​ള​ത്തി​ലെ ല​ക്ഷ​ക്ക​ണ​ക്കി​നാ​ളുകളെ ഞെ​ട്ടി​ക്കു​ക​യും അ​വ​രു​ടെ വി​കാ​ര​ങ്ങ​ളെ വ്ര​ണ​പ്പെ​ടു​ത്തു​ക​യും ചെ​യ്തു.

അ​വ​രെ സ​മാ​ധാ​നി​പ്പി​ക്കാ​നും സു​ര​ക്ഷ ഉ​റ​പ്പാ​ക്കാ​നും അ​ധി​കാ​രി​ക​ൾ എ​ന്തു തീ​രു​മാ​നി​ക്കു​ന്നു എ​ന്ന​തും തെ​ര​ഞ്ഞെ​ടു​പ്പ് ബൂ​ത്തു​ക​ളി​ൽ നി​ർ​ണാ​യ​ഘ​ട​ക​മാ​കും. ആ​ശാ വ​ർ​ക്ക​ർ​മാ​രു​ടെ അ​വ​സ്ഥ ദ​യ​നീ​യ​മാ​ണ്. പ​ക്ഷേ, അ​വ​ർ​ക്ക് അ​ർ​ഹ​മാ​യ ആ​നു​കൂ​ല്യ​ങ്ങ​ൾ ന​ൽ​കു​ന്ന​തി​നു​ള്ള ന​ട​പ​ടി​ക​ൾ ഇ​തു​വ​രെ സ്വീ​ക​രി​ച്ചി​ട്ടി​ല്ല. വ​യ​നാ​ട് ദു​ര​ന്ത​ബാ​ധി​ത​രു​ടെ അ​വ​സ്ഥ ഒ​ന്നു ചി​ന്തി​ച്ചു​നോ​ക്കൂ. അ​വ​രി​ൽ പ​ല​ർ​ക്കും അ​തി​ജീ​വി​ക്കാ​ൻ വീ​ടോ ആ​ശ്വാ​സ​മോ ഇ​ല്ല.

പാ​ർ​ട്ടി യോ​ഗ​ങ്ങ​ളി​ലെ മാ​നി​ഫെ​സ്റ്റോ​ക​ൾ മാ​ത്ര​മ​ല്ല കാ​ര്യ​ങ്ങ​ൾ തീ​രു​മാ​നി​ക്കു​ക.

—————————————————————————————————————————-

കടപ്പാട് : ദീപിക

————————————————————————————————————————-

( പ്രമുഖ രാഷ്ടീയ നിരീക്ഷകനായ കെ.ഗോപാലകൃഷ്ണൻ,  മാതൃഭൂമിയുടെ എഡിറ്ററായിരുന്നു )

കൂടുതല്‍ വാര്‍ത്തകള്‍ക്കായി
http://www.newsboardindia.com

സന്ദര്‍ശിക്കുക