ചിലങ്കകളെ കിലുകിലെ ചിരിപ്പിച്ച മാദകനാദം …

ചെന്നൈയിലെ  എഗ് മൂറിനടുത്തുള്ള പുതുപ്പേട്ടയിൽ ജനിച്ച ലുർദ്മേരി എന്ന സുന്ദരിയായ പെൺകുട്ടിക്ക് സംഗീതവാസന അമ്മയിൽനിന്നാണ് പകർന്നു കിട്ടിയത്. മേരിയെ സ്കൂളിൽ ചേർത്തപ്പോൾ കൊടുത്ത പേര് രാജേശ്വരി എന്നായിരുന്നു.

അതിനാൽ  ഈ പെൺകുട്ടി  വളർന്നുവലുതായി  ഒരു ഗായികയായപ്പോൾ എൽ.രാജേശ്വരി എന്ന പേരിലാണ് അറിയപ്പെട്ടത് …എന്നാൽ ആ സമയത്ത് തമിഴിൽ എം. എസ്. രാജേശ്വരി എന്നൊരു ഗായിക ഉണ്ടായിരുന്നതിനാൽ  സംഗീതസംവിധായകർ  ഈ രാജേശ്വരിക്ക് മറ്റൊരു പേർ കൊടുത്തു …..”എൽ.ആർ. ഈശ്വരി ” ..

                                                                               

 കാമം തുള്ളിത്തുളുമ്പുന്ന വശീകരണശക്തിയുള്ള ഗാനങ്ങളാൽ പുരുഷഹൃദയങ്ങളെ അമ്മാനമാടിക്കൊണ്ട് എൽ.ആർ. ഈശ്വരി എന്ന ഗായിക ദക്ഷിണേന്ത്യയിൽ തന്റെ സ്ഥാനം ഉറപ്പിച്ചു .

ജ്യോതിലക്ഷ്മി, ജയമാലിനി ,  സിൽക്ക് സ്മിത തുടങ്ങിയ തമിഴ് സിനിമയിലെ മാദകത്തിടമ്പുകളായ നർത്തകിമാർക്കുവേണ്ടിയായിരുന്നു ഇവർ കൂടുതൽ  ഗാനങ്ങൾ ആലപിച്ചിരുന്നത് …

 തമിഴ് സിനിമകളിൽ തെറിച്ച പെണ്ണായി പ്രത്യക്ഷപ്പെട്ടിരുന്ന മുൻ മുഖ്യമന്ത്രി ജയലളിതയ്ക്ക് വേണ്ടിയും എൽ.ആർ. ഈശ്വരി  കുറെ ഗാനങ്ങൾ പാടിയിട്ടുണ്ട

 മലയാളത്തിൽ ഇവരുടെ ഏറ്റവും ഹിറ്റായ ഗാനം “കുട്ടിക്കുപ്പായം ” എന്ന ചിത്രത്തിലെ

 “ഒരു കൊട്ടാ പൊന്നുണ്ടല്ലോ മിന്നുണ്ടല്ലോ മേനി നിറയേ….”

 എന്ന ബാബുരാജിന്റെ ഒപ്പനയാണ്. (രചന പി ഭാസ്കരൻ )

ഇവർ പാടി മനോഹരമാക്കിയ ചില സൂപ്പർ ഹിറ്റ് ഗാനങ്ങളെക്കുറിച്ചും പറയാതിരിക്കാൻ പറ്റില്ല.

( ചിത്രം ഭർത്താവ് – രചന പി ഭാസ്കരൻ – സംഗീതം ദക്ഷിണാമൂർത്തി – യേശുദാസിനോടൊപ്പം )

“ചാലക്കുടി പുഴയും വെയിലിൽ ചന്ദനച്ചോലയെടി … (രചന പി ഭാസ്കരൻ – സംഗീതം ജോബ് –

 ചിത്രം റോസി )

“കണ്ണാടി കടപ്പുറത്ത് കാറ്റുകൊള്ളാൻ വന്നവരെ ….” (ചിത്രം – പ്രിയതമ രചന ശ്രീകുമാരൻ തമ്പി –  സംഗീതം ബ്രദർ ലക്ഷ്മൺ)

 “എത്ര കണ്ടാലും

( അർച്ചന )

“വൈൻ വൈൻ ഗ്ലാസ്.…. ( ദത്തുപുത്രൻ – വയലാർ – ദേവരാജൻ )

“കിലുകിലു ചിരിക്കുമെൻ ചിലങ്കകളെ …… (ലങ്കാദഹനം ശ്രീകുമാരൻ തമ്പി –  എം എസ് വിശ്വനാഥൻ )

 “ആടി വരുന്നു ആടി വരുന്നു ആയിരമായിരം പൗർണ്ണമികൾ …..

 (മന്ത്രകോടി – ശ്രീകുമാരൻ തമ്പി – എം എസ് വിശ്വനാഥൻ)

 “മാറിൽ സ്യമന്തക രത്നം ചാർത്തിയ ..… ( പണിതീരാത്ത വീട് വയലാർ എം എസ് വിശ്വനാഥൻ )

 “ഇന്നു നിന്റെ യൗവ്വനത്തിനേഴക്…. ( നൈറ്റ് ഡ്യൂട്ടി – വയലാർ ദക്ഷിണാമൂർത്തി –  അമ്പിളി , ശ്രീലതയോടൊപ്പം )

  “എടി എന്തെടി ഉലകം .… (അവൾ ഒരു തുടർക്കഥ – വയലാർ –

  എം എസ് വിശ്വനാഥൻ )

  “അയല പൊരിച്ചതുണ്ട്

  കരിമീൻ വറുത്തതുണ്ട് …. (വേനലിൽ ഒരു മഴ –  ശ്രീകുമാരൻ തമ്പി – എം എസ് വിശ്വനാഥൻ )

  “ഓണത്തുമ്പീ വന്നാട്ടേ

  ഓമനത്തുമ്പി വന്നാട്ടേ.….

  (അൾത്താര – തിരുനയിനാർകുറിച്ചി ,എം ബി ശ്രീനിവാസൻ )

തുടങ്ങി ഒട്ടേറെ ഗാനങ്ങൾ എൽ.ആർ. ഈശ്വരിയുടെ ഹിറ്റ് ചാർട്ടിൽ ഇടം പിടിച്ചിട്ടുണ്ട്.

  1939 ഡിസംബർ 7 ന് ജനിച്ച എൽ.ആർ. ഈശ്വരിയുടെ ജന്മദിനമാണിന്ന്…

കുറേക്കാലമായി ചലച്ചിത്ര പിന്നണി ഗാന രംഗത്ത് സജീവമല്ലെങ്കിലും അവർ പാടിയ ഹിറ്റ്ഗാനങ്ങളിലൂടെ സംഗീത പ്രേമികൾ  ഈ ഗായികയെ എന്നുമെന്നും ഓർമ്മിച്ചു കൊണ്ടേയിരിക്കും.

ഇക്കിളി കൊള്ളിക്കുന്ന ഗാനാലാപനശൈലി കൊണ്ട് യുവഹൃദയങ്ങളെ  ലാസ്യ ലാവണ്യലഹരിയിൽ ആറാടിച്ച പ്രിയ ഗായികക്ക് പിറന്നാളാശംസകൾ നേരുന്നു…

———————————————————————————————————

( സതീഷ് കുമാർ വിശാഖപട്ടണം: 9030758774 )

———————————————————————————————————-

 .