സതീഷ് കുമാർ വിശാഖപട്ടണം
മലയാള സിനിമയുടെ ആധികാരിക ചരിത്രം എഴുതുന്നവർ ഒരുപക്ഷേ കെ. പി. കൊട്ടാരക്കര എന്ന നിർമ്മാതാവിന് വലിയ സ്ഥാനമൊന്നും നൽകുകയില്ലായിരിക്കാം. എങ്കിലും അദ്ദേഹം തന്നെ കഥയും തിരക്കഥയും എഴുതി നിർമ്മിച്ച 28 സിനിമകളും പ്രേക്ഷകർ കൈകളും നീട്ടി സ്വീകരിച്ചവയായിരുന്നു …
തനി കച്ചവട സിനിമകൾ ആയിരുന്നുവെങ്കിലും ജീവിത ദുഃഖങ്ങളെല്ലാം മറന്ന് രണ്ടര മണിക്കൂർ ശരിക്കും ആസ്വദിക്കുവാനുള്ള എല്ലാ മസാല വിഭവങ്ങളും അദ്ദേഹത്തിന്റെ പ്രിയ സംവിധായകരായ ശശികുമാറും എ.ബി. രാജും ആ സിനിമകളിൽ ഒരുക്കി വെച്ചിട്ടുണ്ടായിരിക്കും.
ശ്രീ ഗണേഷ് പിക്ച്ചേഴ്സ് ആയിരുന്നു കെ.പി. കൊട്ടാരക്കരയുടെ ബാനർ …1926 – ൽ കൊട്ടാരക്കരയിൽ ജനിച്ച ഇദ്ദേഹത്തിന്റെ യഥാർത്ഥ പേര് കുട്ടൻപിള്ള എന്നായിരുന്നു…
നാടകങ്ങൾ എഴുതി പ്രശസ്തിനേടിയ കെ പി കൊട്ടാരക്കര നീലായുടെ “ആത്മസഖി “എന്ന ചിത്രത്തിന്റെ കഥയെഴുതിക്കൊണ്ടാണ് മലയാളത്തിൽ ശ്രദ്ധേയനായത്. തമിഴിൽ സൂപ്പർ ഹിറ്റുകളായ പാശമലർ, പരിശ് തുടങ്ങിയ ചിത്രങ്ങളുടെ കഥ കെ പി കൊട്ടാരക്കരയുടേതായിരുന്നു.
1965 -ൽ “ജീവിതയാത്ര ” എന്ന ചിത്രം നിർമ്മിച്ചുകൊണ്ട് മലയാള ചിത്രങ്ങളുടെ നിർമാതാവായി മാറി. തുടർന്ന് പെൺമക്കൾ, റസ്റ്റ് ഹൗസ്, ലങ്കാദഹനം , രക്തപുഷ്പം , സംഭവാമി യുഗേ യുഗേ ,അജ്ഞാതവാസം , ഹണിമൂൺ തുടങ്ങി ഒട്ടേറെ സൂപ്പർഹിറ്റ് ചിത്രങ്ങൾ മലയാളത്തിന് സംഭാവന ചെയ്തു.
മലയാള സിനിമയിലെ പാട്ടുകളുടെ ചരിത്രം ചികയുന്ന ഒരാൾക്കും കെ. പി. കൊട്ടാരക്കരയെ ഒരിക്കലും അവഗണിക്കാൻ കഴിയില്ല. അദ്ദേഹത്തിന്റെ സിനിമകളിലെ അമൂല്യമായ പാട്ടുകൾ ഒരു തലമുറ മുഴുവൻ ആവേശപൂർവ്വം പാടിനടന്നവയായിരുന്നു.
https://www.youtube.com/hashtag/oldmalayalamsongs
“പൗർണ്ണമി ചന്ദ്രിക തൊട്ടു വിളിച്ചു പത്മരാഗം പുഞ്ചിരിച്ചൂ …
“പാടാത്ത വീണയും പാടും പ്രേമത്തിൻ ഗന്ധർവ്വ
വിരൽ തൊട്ടാൽ …..
“യദുകുലരതിദേവനെവിടെ …
( 3 ഗാനങ്ങളും റസ്റ്റ് ഹൗസ് )
https://www.youtube.com/hashtag/malayalamvideosongs
